Virkjana vísur

24.3.2007 | 22:03

Vitskertir ungir vinstrimenn

Virðast allir vera .

Telja að bókvitið megi enn

Í askanna alla bera.

Það virkja bara vondir menn

Vatnsföllin á fjöllunum.

Þetta garga virtir vinstrimenn

Vitgrannir á þingpöllunum.

Væri hægt að virkja rugl og bull

Vinstri þingmannanna.

Væri landsvirkjunar buddan yfirfull

Og gagnsemi vinstrimanna.

Því það er hræsnarans atferli

að sitja á gullinu öllu.

Beita áhrifum sínum af alefli

og vera á móti öllu.

Gjarnan gæðanna vilja samt njóta

Glöggir á eigin hag.

Þeirra brölt er því miður engum til bóta

Því engan vilja þeir þjóðarhag.

Ef virkjana viljinn er til staðar

Er vinstri manna lag.

Þeir vilja bara virkja annarsstaðar

Og á morgun ekki í dag.

Virða verðum samt þá menn

Sem vermda vilja og hlífa.

Því þeirra var og verður enn

Þyngsta tapið að líða.

Því landið var og verður hart

Og viðskota illt á köflum

En í hýbýlum okkar er hlítt og bjart

Þökkum það vatnsins kröftum.

Og þá fórna þurfi um stundarsakir

Fossum og vatni fylla gil.

Þá þarf að huga, hvað fyrir valdhöfum vakir

Því meira þarf en birtu og il.

Þeir er hæst nú hrópa og mótmæli leiða

Og hafið virkjanir fyrir spott.

Mætu alveg hugann að því leiða

Því við höfum það svona gott.

Einn ríkasta þjóð í heimi við erum

Enginn tilviljun það er.

Auðug af fiski og orkuverum

Það staðreyndin er.

Nær áttatíu ár eru liðin senn

Síðan fossorkan tók að knúga.

Varla held ég að vinstri menn

Vildu til baka snúa.

Vesæl og vannærður,alltaf var kalt.

Líkt og Þorbergur lýsir svo vel.

Sem fátækur námsmaður skáldið svalt

svo nær króknaður var í hel.

Brygði í brún vorum mennt skælingar skara.

Mundu skinfærum sínum vart trúa

Mættu þeir aftur í tíman til Þorbergs fara

Og vetur með honum búa.

Það virðist ei duga þó á staðreyndir sé bent

Því engu þeir vilja trúa.

Þannig er það með þá sem læra seint

Að maður á ekki að ljúga.

Það versta sem eina þjóð getur hent

Er að vinstrimenn völdum fái beitt

Því þá vinna þeir að því ljóst og leynt

Að aðhafast ekki neitt.

ort í janúar 2003 Magnús í ham

á við í dag eins og þá.

Flokkur: Dægurmál | Breytt s.d. kl. 22:05 | Facebook

Athugasemdir

Þetta er stórglæsilegt. Segir margt og er vissulega klassískt.

Síðasta blogg var líka áhugavert.

Meira svona.

Örvar Már Marteinsson, 24.3.2007 kl. 22:14

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Umræðan

Ég aðhyllist þá kenningu að allir menn eigi rétt á því að hafa rangt fyrir sér öðru hverju, og það að gera mistök er mannlegt. En hvorugt má gera án þess að viðurkenna það og bæta fyrir ef nokkur kostur er.

Vil ekki hafa fólk á mínum vinalista sem ekki leifir athugasemdir við það sem það skrifar, tel það takmarka tjáningu og skoðanaskipti, sem ég tel vera einn stærsta kost við Bloggið.