Kauphækkun strax

það er víst erfitt að manna seðlabankann um þessar mundir, ef eitthvað er að marka það sem Gísli Marteinn sagði í kastljósinu í kvöld, það sóttu engir um laus störf hjá seðlabankanum, ef til vill vegna þess að auglýst var eftir menntamanni ekki eftir einhverjum með peningavit. það er nú samt gott að vita það að við höldum Davíð sem bankastjóra með því að hækka vel við hann launin, en vel á minnst var hann að hóta að hætta eða hvað, vantaði ekki undir menn? til vers þurfti að hækka laun bankastjórana um eins og mánaðarlaun launþega, gott að vita að nóg er til af aurum í kassanum. Nú er lag hækkum lægstu laun um svipað og bankastjórar seðlabankans fá, 100 þúsund strax og 100 þúsund um næstu áramót, varla geta menn sem hafa 1400 þúsund á mánuði kvartað þó sá sem skúrar kontórinn hjá þeim hafi 400 þúsund á mánuði í laun fyrir stritið. Talandi um strit, Steingrímur Hermannsson fyrrverandi Seðlabankastjóri var að farast úr leiðindum sem bankastjóri, rólegasta starf sem hann hafði komist í ekkert að gera alla daga annað en að spila golf og svo framvegis, veslings kallin það er ekki tekið út með sældinni að þræla sér út fyrir samfélagið sem bankastjóri í Seðlabankanum, enda erfitt starf sem deilt er niður á 3 einstaklinga, sennilega til að minka álagið........