Bílar velta ekki

Bílar velta sér ekki eins og skapmiklir hestar gera , þeim er velt af þeim sem situr undir stýri, er það einhverjum erfileikum bundið fyrir fréttamenn að skilja það. það er alltaf maður undir stýri á bíl þegar svokölluð umferðaróhöpp verða, gáleysi þeirra eða glannaskapur veldur síðan því sem fréttnæmt telst, menn missa ekki stjórn á bíl, þeir haga akstri sínum  þannig að þeir ráða ekki við eitt né neitt, það er ekki bílnum né veginum að kenna, það er eins og alltaf að veldur hver á heldur.

 

Sluppu með skrekkinn eftir bílveltu

Athugasemdir

[Magnús (IP-tala skráð) 31.7.2007 kl. 23:43]

Mikið ósköp hlýtur að vera rólegt hjá þér að nenna að blogga um það hvort bíll velti eður ei, og hvort fréttamenn skilji það eður ei. Ef maður veltir bílnum sínum, þá veltur bíllinn ekki satt? Bílar velta og bílar beyglast, oftast með utanaðkomandi aðstoð, en þeir gera það engu að síður. Ég man ekki eftir mörgum fréttum af því að ferðamenn á bíl hafi oltið en bíllinn ekki með þeim.

Ekki taka þessu samt þannig að ég sé ósammála því að menn mættu margir aka hægar og af meiri skynsemi, mér fannst bara bloggfærslan einkennast af hártogi og ómálefnalegri gagnrýni á fréttmenn.

[Valbjörn Júlíus Þorláksson, 1.8.2007 kl. 00:12]

En jú, moggablogg gengur eingöngu útá að væla svo þessi bloggari er að standa sig ágætlega hehe

[Magnús Jónsson, 1.8.2007 kl. 19:52]

Magnús nafni minn, ef ég kem og hrindi þér um koll hljómar fréttin af því þannig að þú hafir dottið eða hvað, það slævir vitund manna að vera stanslaust að tala um að það sé bifreiðinni að kenna að ekið er útaf, og að það sé umferðaróhapp ef einhver veltir bíl er firra, það er klaufaskapur í besta falli og ekki óhapp.