Að hindra Hraða?

Frá örófi alda hefur það verið keppikefli siðmenningarinnar að leggja slétta og góða vegi út um allt, ofurkapp var lagt á það að gera vegi og samgöngur sem bestar úr garði til hagsældar fyrir almenning, örva viðskipti og auka hagsæld.

Nú gerist það hinsvegar á hátækniöld þegar mankyninu hefur loksins tekist að gera svo til rennislétta vegi að hraðinn sem ávalt er og verður keppikefli í samgöngum er gerður óæskilegur af fólki sem höndlar með skattfé almennings. Það hófst allt í Kópavogi fyrir nokkrum árum síðan þegar sett var malbiksbunga þvert yfir akrein, morguninn eftir var búið að skrifa með málningu á bunguna( hvaða helvítis rugl er þetta ) , þarna var sem sagt fyrsta hraðahindrunin á Íslandi komin og skíringin á henni einnig  ( rugl ).

Því miður hefur fyrirbærum þessum fjölgað, þannig að nú er svo komið að velta má vöngum yfir því hvort ekki sé best að sleppa því að malbika götur yfirleitt, því varla eru men búnir að aka yfir eina hraðahindrun fyrr en þeir þurfa að stoppa, við það sem einna helst má líkja við einbreiðar brýr á miðjum götum án sýnilegs tilgangs nema til að tefja umferð, einbreiðar brýr eru síðan það sem Vegagerðinni leggur hvað mest kapp á að eiða úr vegakerfi í dreifbýli en þeim fjölgar stöðugt í þéttbýlinu ?.

Umferðarljós eru einnig í seinnitíð að verða það mörg hér á höfuðborgarsvæðinnu og það vanstillt saman, að það er nánast sama á hvaða hraða er ekið, alltaf þarf að stöðva á næsta ljósi, ef ekki vegna þeirra sem sofna á gatnamótum, og verða hissa þegar flautað er á þá rétt í þann mund sem ljósið verður aftur rautt, þá vegna þeirra sem tóku frammúr í örvæntingarfullri tilraun til að ná næsta græna og náðu að vera á undan að því rauða fyrir framan. Bílfjandsamleg stefna R-listans ( sáluga vonandi ) var síðan ekki til að bæta ástandið hætis hót, með því að þrengja götur og setja umferðarljós í stað ágætra hringtorga gerðu þeir illt verra.

"Það þarf að ná niður hraðanum og greiða fyrir samgöngum "?, er þessum mönnum ekki sjálfrátt eða hvað, það þarf að auka gæði aksturs og flýta fyrir umferð, hraðinn drepur ekki, óvarkárni, glannaskapur, virðingarleysi fyrir reglum, akstur undir áhrifum vímugjafa ásamt heimskulegum gerðum þeirra sem með umferðarmál fara geta drepið, drepið virðingu manna fyrir lögum, drepið þolinmæði, drepið á dreif áhuga manna fyrir betri umferðarmenningu, því meira sem allt er keyrt niður á stig þeirra sem ekki fara eftir neinu því verra verður ástandið, alveg eins og að með fjölgun hraðahindrana náist einhver árangur má gefa því skóna að ef að eins yrði leifður innflutningur á ferköntuðum hjólbörðum að þá lagaðist umferðarmenningin ?