Belgingur Veðurstofunnar

Föstudaginn 15 júní lagði ég í siglingu á seglskútu frá Reykjavík, ferðinni var heitið á norður á Vestfirði, veðurspáin og (Belgingur.is voru sammála ) veður yrði var 5 til 8 metrar af suðaustri með gusti upp í 13 metra. Veðurstofa Íslands heldur úti vef sem kallast Belgingur.is og á að sína hvernig veður og vindar haga sér við landið okkar með tilliti til þeirra áhrifa sem landslag hefur á veður, það er vindáttir og vindstyrk, ekki efast ég um  að til eru gögn sem sína hvaða áhrif Snæfensnes hefur á veður eins og ég lýsti hér að framan, en áhrifin sem ég varð áþreifanlega var við voru þau að 5 til 8 metrar urðu að 10 til 15 og vindhviður sem áttu að vera að 13 fóru yfir 20 metra, og sjólag var eftir því leiðinlegt fyrir smáan bát eins og minn.  Ég afréð að fara til Ólafsvíkur frekar en að reina við Arnarstapa vegna vindáttar enda átti samkvæmt Belgingi að vera um 10 metra vindur af suðaustri frá Ólafsvík, reyndin var að vindstyrkur var jafn og þéttur frá Gufuskálum í Ólafsvík um og yfir 20 metrar og sóttist mér ferðin hægt að þeim sökum. Vera má að þeir hjá veðurstofunni hafi ekki kunnáttu til að spá fyrir um veður á þessum slóðum eða hreinlega hafi ekki nennt því en mér fannst spákunnátta þeirra hafa gert mína skemmtisiglingu frekar erfiða ef ekki leiðinlega fyrir þá sem með mér sigldu það tók 16 klukkustundir að fara þessa leið og mest af tímanum í ólgusjó, fyrirgefið gæti ég ef þetta hefði reynst einangrað tilfelli en svo var ekki, því á bakaleiðinni tæpri viku seinna varð ég veðurtepptur á Ólafsvík í heilan sólarhring, veður var Vestan 16 til 20 metrar og aftur og aftur hlustaði ég á veðurfréttir sem sögðu að veðrið á Gufuskálum (næsti bær við) væri 3 til 8 metrar?, ég fór því á hótel Ólafsvík og fékk að fara þar í Tölvu og viti menn Belgingur sagði að vindur væri bara 10 metrar fyrir utan Ólafsvík og að daggin eftir, það er föstudaginn 22 yrði þessi fína norðaustanátt 5 til 10 metrar alla leið til Reykjavíkur, með því fráviki þó að vindur gæti farið í um 15 metra suður undan Arnarstapa, með þessa veðurlýsingu og spá reyndi ég að fara frá Ólafsvík um 15 þann 21 eftir hádegi en varð að snúa við vegna sjógangs og mótvinds sem var um og yfir 20 metrar samt var bara 3 til 8 metrar hjá veðurstofunni á sama tíma óskiljanlegur munur að mínu mati. Um kl 04 leitið var komið skaplegt veður á Ólafsvík svo ég lagði af stað á móts við Gufuskála var vindur orðin um 10 metrar úr austri og taldi ég það í samræmi við spánna á Belgingi.is, þegar komið var fyrir Malarrifsvita bætti aðeins í vindinn og fór hann í um 15 metra, á móts við Dritvík fór mér ekki að standa á sama þegar vindátt veðurstofunnar úr norðaustri fór að blása hraustlega úr suðvestri 13 til 18 metrar, ekki nóg með það heldur kom alda úr suðaustri og var kröpp að viðbættu því að undiralda fylgdi okkur úr norðvestri, veðurspá klukkan 6,45 sagði að veður væri norðaustan 5 til 8 metrar bæði á Breiðafirði og Faxaflóa ,ég áliktaði sem svo að ef ég héldi stefnu til suðurs kæmist ég úr þessum suðvestan vindi og það gekk eftir um það bil 10 sjómílum suðaustur af Lóndröngum lemdum við í nánast logni og nokkrum mílum sunnar í suðaustlægri átt frá 3 til 10 metrum (veðurspá 3 til 8 norðaustlæg), það er ekki fyrr en við erum komin suðurfyrri Mýrar, á móts við Þormóðssker sem norðaustanátt veðurstofunnar lætur á sér kræla, hæg í fyrstu en bætir stöðugt í þar til komin er 15 til 20 metra vindur og ríkur í um 23-4 öðru hverju með hauga sjó anda fara saman undiröldur úr gagnstöðum áttum þegar hér er komið sögu, svona gengur þetta suðurfyrri Akranes um 15 mílum norður af Reykjavík að hvalfjarðarstrengurinn tekur völdin hélst vindur þá nokkuð stöðugur í um 14 til 17 metrum alveg suður að Gróttu þar er skyndilega logn en ekki stóð það lendi því aftur hvessir af suðaustri í norðaustanátt veðurstofunnar og er 16 til 18 metrar í Reykjavíkurhöfn, ekki var þessi vindur hjá Veðurstofunni nei þar var 3 til 10 metrar, ekki veit ég hvernig Veðurstofan mælir veður en fjölskilda mín og ég treystum ekki svona veðurspám og verð ég að segja eins og er að ef það er margar ára nám að verða veðurfræðingur þá hefur þeim tíma og peningum verið sóað á það fólk sem núna vinnur hjá Veðurstofu Íslands, sérílagi við þá sem leggja nafn sitt við þá skömm sem kallast Belgingur.is

Athugasemdir

[Kjartan Eggertsson, 7.7.2007 kl. 01:42]

Sæll Magnús.

Þrátt fyrir ótraustar veðurspár belgingsins.is held ég að tilkoma þeirrar veðurspár sé mikilvæg og merkileg.  Eitthvað reikna þeir áhrif fjallgarðanna á Snæfellsnesi vitlaust úr samkvæmt þinni reynslu, en ég verð að segja að spáin fyrir innanverðan Breiðafjörð er nokkuð nákvæm.  Á spákortinu má sjá ýmis veðrafyrirbrigði sem maður kannast við en hefur aldrei skilið hvernig eru tilkomin.  Með belgingur.is skilur maður hvernig vindflekkirnir myndast fyrir tilverknað fjallanna.

 Ég þekki eina sviðaða hrakningasögu á siglingaleiðinni Reykjavík-Ólafsvík.  Veðrið átti að vera þokkalegt, en 10 tonna báturinn sem var hlaðinn vörum var að mestu leiti í kafi í stórsjó allan norðanverðan Faxaflóa og til Ólafsvíkur.  Ferðalagið tók 16 tíma.

[Magnús Jónsson, 7.7.2007 kl. 22:14]

Þakka þér inleggið  Kjartan, en það skildist mér á þeim Ólafsvíkingum að veðrið væri bara svona hjá þeim í þessari eða hinni áttinni og það hlýtur veðurstofan að vita líka, og Belgingur ætti að taka tillit til þess, það er tilgangurinn með Belgingnum ekki rétt, þess vegna er ég fúll út í veðurstofuna þeir virðast ekki nenna að vinna þessa vinnu sem þarf til eða hafa ekki vitneskju á því að veður hagar sér svona kringum jökulinn. Svona til gamans þá var Músin RE2725, 16 tíma frá Reykjavík til Ólafsvíkur en 15 tíma frá Ólafsvík til Reykjavíkur hvortveggja í leiðinlegu veðri.